Уфаште тазалыкаралтышын первичный звеножым уэмдыме йодыш дене Россий кӱкшытан совещаний эртен
Башкортостанын рӱдӧ олаштыже тазалыкаралтышын первичный звеножым уэмдыме йодыш дене Россий кӱкшытан совещаний эртен. Тушто Российын тазалыкаралтыш министрже Михаил Мурашко участвоватлен. Совещанийын пашаштыже Марий Элын тазалыкаралтыш министрже Марина Панькова лийын.
«Марий Элыште тазалыкаралтышын первичный звеножым уэмдымаш» программе 2021-ше ий гыч шыҥдаралтеш да калыкым обслуживатлыме сай лектышым ончыкта. 2021-ше 2025-ше ийлаште программын мероприятийлаже- влаклан кок миллиард теҥге утла оксам колташ палемдыме. Программым шыҥдарыме жапыште Волжский районысо Учимсола ялыште ФАП-ым, Краснооктябрьск посёлкышто врач амбулаторийым чоҥымо, Кокшайскыште да Силикатныйыште врач амбулаторийым, Марий Турек районышто Тат Китня ФАП-ым чоҥымо пашам мучашыш лишемдат. Тазалыкаралтышын 11 объектшым капитально олмыктымо. Тыгак кызыт Республикысе клинический эмлыме верын офтальмологий консультативно- диагностик пӧлкаже олмыкталтеш, Звенигово районысо рӱдӧ эмлыме верын поликлиникыжым жап деч ончыч ачалаш тӱҥалме.
Медицина организаций- влакым пойдараш программе кышкарыште 60 медицина оборудованийым налме. Нунын коклаште шерге акан рентген аппарат, маммограф, УЗИ-аппарат улыт. Первичный звенон медицина организацийыштын санитар транспорт паркышт палынак уэмын: районлашке 91 автомобильым колтымо. Тений регионысо программе кышкарыште 374 миллион теҥгелан кум корно дене мероприятий- влакым шукташ палемдыме. Кызытак 2024-ше ийысе план почеш медицина оборудованийым налаш тӱҥалме.
Фото: Тазалыкаралтыш минстерстве.
«Марий Элыште тазалыкаралтышын первичный звеножым уэмдымаш» программе 2021-ше ий гыч шыҥдаралтеш да калыкым обслуживатлыме сай лектышым ончыкта. 2021-ше 2025-ше ийлаште программын мероприятийлаже- влаклан кок миллиард теҥге утла оксам колташ палемдыме. Программым шыҥдарыме жапыште Волжский районысо Учимсола ялыште ФАП-ым, Краснооктябрьск посёлкышто врач амбулаторийым чоҥымо, Кокшайскыште да Силикатныйыште врач амбулаторийым, Марий Турек районышто Тат Китня ФАП-ым чоҥымо пашам мучашыш лишемдат. Тазалыкаралтышын 11 объектшым капитально олмыктымо. Тыгак кызыт Республикысе клинический эмлыме верын офтальмологий консультативно- диагностик пӧлкаже олмыкталтеш, Звенигово районысо рӱдӧ эмлыме верын поликлиникыжым жап деч ончыч ачалаш тӱҥалме.
Медицина организаций- влакым пойдараш программе кышкарыште 60 медицина оборудованийым налме. Нунын коклаште шерге акан рентген аппарат, маммограф, УЗИ-аппарат улыт. Первичный звенон медицина организацийыштын санитар транспорт паркышт палынак уэмын: районлашке 91 автомобильым колтымо. Тений регионысо программе кышкарыште 374 миллион теҥгелан кум корно дене мероприятий- влакым шукташ палемдыме. Кызытак 2024-ше ийысе план почеш медицина оборудованийым налаш тӱҥалме.
Фото: Тазалыкаралтыш минстерстве.
