УИС-ыште коронавирус деч аралалташ тӱҥалыныт

              Республикыштына коронавирус деч прививкым наказанийым шуктымо виктемын сотрудникше  ден медпашаеҥже- влак да осуждённый- влаклан ыштеныт. Уколым ик эн ончыч ведомствым вуйлатыше, полковник Дмитрий Филин ыштыктен. Кокымшо ужашыже 21 кече гыч шындалтеш- 12-шо мартыште. Тиде кечын лач Уголовно-исполнительный системыште тыршыше- влакын профессионал пайремышт палемдалтеш. Тымарте 105 еҥлан привикым ыштыме. Нунын кокла гыч 50-же медицина пашаеҥ, 30-жо кастене тунемме школ ден училищын педагогшо- влак, петырымаште улшо 10 еҥ. Нунын тазалыкыштым ФСИН-ын 12-шо номеран медико-санитар частьын пашаеҥже- влак эскераш тӱҥалыт.

Прошлые выпуски