Волжск олаште тулыкеш кодшо вич еҥ шке пачеран лийын
Волжск олаште вич тулык йоча у пачер деч сравочым налын. Волжск ола администрацийым вуйлатышын сомылжым шуктышо Алексей Веселов ола кундемыште вич еҥым у илыме верым налме дене саламлен. Тений «Граждан- влаклан социал полышым пуымаш» кугыжаныш программе дене келшышын ойырымо 15 миллион теҥгелан эше 15 пачерым налаш палемдыме. 12-ытшо - судын пучалже почеш, кумытшо - черетыште шогышо тулык йоча- влаклан. Таче кечылан кусараш лийдыме шым объектым муниципал погыш налме. Нуно илыме да тӱшка площадь денат келшен толыт. Закон почеш пачер- влак озан погышкыжо вич ий гыч куснат. Тиде жапыште верысе самоуправлений орган- влак илыше-шамыч парымым ынышт чумыро манын да пошкудо- влак деч пурышо вуйшиймашым терген шогаш тӱналыт. Кызыт Волжск олаште пачерым налаш 109 тулык йоча черетыште шога.
