Унчышто ял озанлык ярминга ден Угинде пайрем лийыт
Финн-угор тӱнян тӱвыра рӱдыверыштыже, Морко районысо Унчо селаште, 24-ше августышто «Марий мландын пӧлекше» республикысе ял озанлык сатум ыштен лукшо- влак выставке- ярмингам эртарат. Тушко ушнаш шонышо-влак деч йодмашым Ял озанлык министерстве 23-шо август марте налеш. Ушештарена: 24-ше августыштак Унчышто регион- влак кокласе Угинде пайрем эрта. Программыште конурс да пайрем мероприятий- влак, калык модмаш, театр шотан представлений, «Тургым» телеспектакльым ончыктымаш лиеш. Пайрем «Марий кас» дене мучашлалтеш.
