Утарыше- влак ий ӱмбач ныл колызым луктыныт
Теҥгече утарыше- влаклан ийын коштшо ий ӱмбач Угарман область гыч толшо ныл колызым лукташ верештын. Теҥгече кастене МЧС-ын дежурный службышкыжо увер пурен: Юрино посёлко тураште Вӱтла эҥерын Юлыш ушнымаште колызо- влак лӱдыкшым ончыде, ий ӱмбаке лектыныт. Тыге Юринысе аварийно-утарыше группа ныл еҥым серыш луктын. Иктат эмганен огыл.
