Александр Евстифеев Козьмодемьянск олаш миен

Марий Элым вуйлатыше Александр Евстифеев республикысе районлашке лектын коштеш. Теҥгече тудо Козьмодемьянск олаш миен. Тудо оласе поликлиникым чоҥымашым ончен. Тиде эмлыме верым оласе да лишыл илемласе еҥ- влак шукертсек вучат. Вашке эмлыме вер икымше пациент- влакым вашлиеш. Поликлиникым 2016-шо ийыште чоҥаш тӱҥалме, но окса укелан кӧра 2017-ше ийыште пашам чарен шогалтыме. Объектым чоҥен пытараш республикын бюджетше кодшо ийын 95 миллион утла теҥгем ойырен, тений- 16 миллион лишке. Тиддеч посна тений эше оборудованийым, офис да медицина мебельым налаш 28 миллион теҥгем ойырымо. Республикым вуйлатыше кабинетлам, кечывалымсе стационарым ончен, чоҥышо- влак дене мутым вашталтен. Кызыт чоҥымо пашам 95 процентлан шуктымо. Тушто кӧргӧ пӧлем пырдыж- влакым шымартат. Александр Евстифеев социал кӱлешан объект- влакым чоҥымаш калыкле проектлан цельже дене чак кылдалтын, манын палемден да эмлыме вер кундемымат тӱзатыме нерген ойлен. Объектым жапыштыже ыштен шуктымо лиеш. Тыге Юрино, Курык марий районлаште да Козьмодемьянскыште илыше- влак сай медицина полышым налын кертыт. Паша визит жапыште Республикым вуйлатыше тыгак Йоча усталык пӧртыш Кугу Сеҥымашлан пӧлеклалтше мероприятийыш миен. Ола гыч кугу сарыш тӱжемат 949 еҥ каен, тушечын 692 еҥже мӧҥгӧ пӧртылын огыл. Торжественный мероприятийыште Александр Евстифеев сарын участникше да тылыште тыршыше- влаклан «Кугу Ачамланде сарыште сеҥымылан 75 ий»  лӱмгече медальым кучыктен.  Республикым вуйлатыше тыгак илыме вер да коммунал озанлык объектламат ончен савырнен. Тиде- «Осипенко» канализаций да насос станций да очистной сооружений- влак. Вуйын шогышо еҥ- влаклан Марий Элым вуйлатыше оборудованийым кондымо жапым эскераш да график почеш пашам шукташ кӱштен.

Прошлые выпуски