«Мирный» микрорайонышто йоча сад ямде лиеш

«Калык контролёр- влак» Йошкар-Олаште чоҥалтше йоча садыш миеныт. Тений идалык мучашлан «Мирный» микрорайонышто 3 пачашан, 320 верлан келыштарыме йоча тӧнежым ыштен шуктымо лиеш. Кызыт тудын кышкаржым чоҥымо. «Калык контрольын» еҥже- влак- Кугыжаныш Погынын депутатше Максим Бронников, Ола погынымашын депутатше Елена Бурнашева, ола администрацийын еҥышт да генеральный подрядчикын еҥышт дене пырля чоҥымо жап да качестве, оксам ойырымо жап, площадкыште лӱдыкшыдымылыкым ыштыме да моло йодышымат каҥашеныт. Садыште 13 группо, сем да физкультура зал, кухня, лифт лиеш, кундемым тӱзландарат. Кызыт олаште иканаште кок йоча тӧнеж чоҥалтеш. Тыге идалык мучашлан йоча- влаклан 620 вер ешаралтеш. Елена Бурнашева тӧнеж- влаклан кадрым ситарыме йодышым посна контрольыш налме лиеш манын палемден.

Прошлые выпуски