Утларак ямде улмо режимым 14-ше март марте шуйымо

             Республикыштына утларак ямде улмо режимым 14-ше март марте шуйымо. Марий Элым вуйлатышын кодшо ийын 17-ше мартыште лукмо коронавирус деч аралалтме шотышто Указышкыже икмыняр вашталтышым пуртымо. Таче пеҥгыдемдыме документ почеш, режим 14-ше март марте шуйна. Ончычсо семынак тӱшка, спорт, физкультура, ончымо, каныме, модмо, ончер, шинымашым шарыше, реклама да моло мероприятий- влакым калыкым поген эртараш ок лий. Кӱлеш деч посна илыме верым коден каяш ок темлалт, моло еҥ дене шагалрак кылым кучыман. Кафе, бар, клуб, дискотеке- влак 23 шагат марте огыл, ик шагат йӱд марте пашам ыштен кертыт. Студент- влак дистанций гыч огыл, очно тунемыт, тӱшкагудылаште илыме посна, еҥ- влаклан пураш чарыме  режим кораҥдалтеш.
Мом кораҥдаш лиеш, кораҥдышна, молыжым лушкыдмедаш эпидситуаций эше ок пу,- каласен республикым вуйлатыше.
              Йошкар-Олаште вакцинацийын выездной пунктшын пашажым арня мучаш марте шуйымо. «Ёлка» ужалкалыме рӱдерыште коронавирус деч привикым арня мучаш марте ыштыкташ лиеш. Тиддеч ончыч 10-шо феварль марте ышта манын увертарыме ыле. Кумылан- влак Ковид деч Гам-КОВИД-Вак вакциным эше изарня ден кугарнянат 11 гыч 15 шагат марте ыштыктен кертыт. Пелен паспортым, полисым да СНИЛС-ым налаш ида мондо. Вакцинаций деч ончыч врач терген лектеш.

Прошлые выпуски