«ВЛВ» промышленный группа Марий Элын экономикышкыже оксам пышташ ямде

            Российысе «ВЛВ» промышленный группа Марий Элын экономикышкыже оксам пышташ ямде. Тиде- Регионысо радиоэлектрон промышленностьым вияҥдыме нерген ойлалтеш. Марий Эл Правительствын «ВЛВ» промышленный группо дене кылым кучымо йодышым Республикым вуйлатышын пашажым шуктышо Юрий Зайцев ден группын делегацийже канашеныт. Юрий Зайцев палемден: республикысе кучем бизнесым вияҥдыме да у инвестицийым кондымым кӱлешанлан шотла да проектлан полшаш тӱҥалеш.
           «ВЛВ»-н представительже- влак шке пашашт нерген каласкаленыт да палемденыт: печатный платым лукшо «Технотех» республикысе предприятий шукерте огыл группын радамышкыже пурен. «Технотехын» генеральный директоржо Андрей Мартынов палемден: группын технологий куатше кугу, инвестиций проектым шыҥдарымаште республикысе правительствын полышыжлан ӱшанена. Молан манаш гын, вияҥмаште комплексный, кужу жаплан  пырля пашам ышташ планым ыштена. Юрий Зайцев ешарен: темлымашдам шымлен лектына да республикын экономикыже дене кузе кылдалтмыжым ончалына.
             Фото: Марий Элым вуйлатышын организаций да аналитик виктемже.

Прошлые выпуски