Пектубай селаште газым пуртымо йодышым каҥашеныт

             У Торъял районысо Пектубай селаште газым пуртымо йодышым каҥашеныт. Тушто калыкын погынымашыже лийын да яллашке газым пуртымо йодышым онченыт. Мероприятийыште «Газпром газораспределение Йошкар-Ола» предприятийын, чоҥышо подряд да проект организацийлан еҥышт, район администрацийым вуйлатыше участвоватленыт. Яллашке канде тулым кондаш «Газпром газораспределение Йошкар-Ола» посёлкыла кокласе 17 меҥге кужытан газпучым чоҥа. Паша «2021-ше- 2025-ше ийлаште Республикым газифицироватлыме да газым ситарымашым вияҥдыме Программе» кышкарыште шукталтеш. Тидын дене пырля яллаште 9 меҥге кужытан посёлкыла кӧргысӧ сетьым ышташ тӱҥалме. Тений объектым пашаш колтышаш улыт. Тидыже 332 пӧрт ден пачерым да ик котельныйым газ деке ушаш йӧным пуа.
            Фото: «Газпром газораспределение Йошкар-Ола».

Прошлые выпуски