Волжск олаште пожарный-герой Эдуард Илларионовын лӱмжым курымеш шарнаш кодымо

Волжск олаште пожарный-герой Эдуард Илларионовын лӱмжым курымеш шарнаш кодымо
          Волжск оласе визымше номеран школын пырдыжешыже пожарный-герой Эдуард Илларионовын лӱмжым курымеш шарнаш кодымо. Эдуард тиде школым тунем пытарен. 2017-ше ийыште Озаҥ оласе пычалтар (порох) заводышто пижше тулым йӧртымӧ годым вуйжым пыштен. Тудо шке действийже дене пожар караулын кок пӧлкажын личный составшын илышыжым арален коден да колымыжо деч вара Мужество орден дене палемдалтын. Мемориал оҥам геройын вуйым пыштыме кечынже- 24-ше мартыште пижыктыме. Мероприятийыште школын тунемшыже да туныктышыжо- влак, лишыл еҥже-шамыч, аваже Фаина Сергеевна, ола администрацийын еҥышт, икымше туныктышыжо- влак да Озаҥ ола гыч пырля служитлыме йолташыже- влак лийыныт. Палашлан: Эдуард самырыкак илыш гыч кайыше, чапланыше марий поэт д журналист Вадим Илларионовын эргыже.
           Фото: «Марийская правда».

Прошлые выпуски