Марий Элысе суд пристав- влак шефыш налме воин шӱгарыш миеныт
Марий Элысе суд пристав- влак шефыш налме воин шӱгарыш миеныт. Нуно «Демос» кычалше отрядын командирже Дмитрий Шипунов дене пырля Сурок посёлко воктенысе чодыраште тойымо верым шотыш конденыт. Эрыктыме годым Дмитрий Яковлевич мемориалын неле пӱрымашыже нерген каласкален. Йошкарармеец- влакым 1941-ше- 1945-ше ийлаште тойымо иза-шольо шӱгарым кужу жап иктат ончен огыл. Тушто 79 еҥым тойымо, вич еҥжын лӱмыштым рашемдыме. Суд пристав- влак шӱгарым шефствыш налаш лийыныт, шарныктышан табличкым вераҥденыт да чодыра кокласе шӱгарым эрыктен шогаш тӱҥалыныт. «Демос» отрядын кычалшышт- влакын тыршымышт дене кап-влакын мынярын да кушто улмыштым чын рашемдыме. Ынде шӱгар сайын коеш да кугыжаныш оролымаште улеш. Тӱзландарыме годым виктемын пашаеҥже- влак шӱгарла кумдыкым лышташ, укш, куштыра деч эрыктеныт. Вара ик тат шып шоген салтак- влакым шарналтеныт да пеледышым пыштеныт.
Фото: Суд пристав пресс-служба.
Фото: Суд пристав пресс-служба.
