Марий Эл гыч пӧръеҥым кок изи йоча ден ӱдырымашым пуштмыжлан ӱмыр мучкылан петыраш пунчалыныт

Марий Эл гыч пӧръеҥым кок изи йоча ден ӱдырымашым пуштмыжлан ӱмыр мучкылан петыраш пунчалыныт
             Марий Эл гыч пӧръеҥым кок изи йоча ден ӱдырымашым пуштмыжлан ӱмыр мучкылан петыраш пунчалыныт. Республикысе прокуратурын шонымашыжым шотыш налын Звенигово гыч 36 ияш пӧръеҥым кум еҥым осалын пуштмылан титакнлан шотлен. Тиддеч посна банк счёт гыч оксам шолыштмылан да кугу эҥгекмы кондымылан титаклыме. Ушештарена: тений 21-ше январьыште Звенигово олаште йӱшӧ пӧръеҥ пырля илыме ӱдырамашыжым ушкален, тумасымашке шуыныт, кок изи йоча ончылнак ӱдырамашым оҥ да тупшо гыч вич гана кӱзӧ дене шуралтен. Ӱдырамаш туштак колен. Осал пашам шылташ манын, шкенжын кум ияш ӱдыржым да ӱдырамашын 7 ияш эргыжымат пуштын. Тиддеч вара пӧръеҥ 50 тӱжем теҥгем шолыштын, ӱдырамашын телефонжым, сравочым налын, пӧлемым петырен коден, шкеже шылын. Ӱдырымашын телефонжо полшымо дене банк счёт гыч оксам онлайн-казиношто модаш да кевытыште тӱлаш кучылтын. Кычалме годым пӧръеҥым 25-ше январьыште Сергушкин ялыште кученыт. Палыме ӱдырамашыжын пӧрт подвалыштыже шылын илен. Суд пуштшо еҥым ӱмыр мучкылан эрык деч посна кодаш пунчалын.
       Фото: скрин.

Прошлые выпуски