Марий Элыште Ай-Ти арня тӱҥалын
Марий Элыште Ай-Ти арня тӱҥалын. Тунемме тӧнежлаште класс шагат, виш урок, конкурс, ятыр моло мероприятий- влак эртат. Республикым вуйлатыше палемден: Марий Эл- тиде ятыр ий дене шкенжым ончыктышо Ай-Ти республике, кӱкшӧ квалификациян специалист- влакым яра туныктымо системан кундем. Мемнан вӱдышӧ вуз-влак уло отрасльлан ӱшанле туныктымо база улыт. Кодшо ийын гына бюджет верлашке тӱжем наре ончыкылык айтишник- влакым тунемаш налме. Тыгак 300 утла ӱдыр-рвезе кыдалаш профессисонал туныктымо тӧнежлашке тунемаш пуреныт. Юрий Зайцев рашемден: кадрым школ гычак ямдылат. Тидлан республикыште ай-ти шинчымашым чарныде пуышо ойыртемалтше системым ыштыме: шӱдӧ школ гыч кум тӱжемат пеле ӱдыр-рвезе «Алгоритмике» платформышто программированийым тунемыт, кугурак класслаште 500 наре тунемше да студент- влак «Код будущего» проект кышкарыште программированийым шымлат, ныл Ай-Ти куб ден 6 Кванториум пашам ыштат, 105 «Точка роста» площадке 12 тӱжем еҥым авалтен, 17 школ ден колледж беспилотникым шымлыме оборудований дене пойдаралтын. Виян кугыжаныш кӱшыл школ- тиде негыз. Тудым ме программированийын икымше урокшо гыч тӱналын, Ай-Ти специалистлан дипломым кучыктымо марте пеҥгыдемден шогена,- палемден Марий Элым вуйлатыше.
Фото: Юрий Зайцевын ВК-же.
Фото: Юрий Зайцевын ВК-же.
