Волжский районышто у вӱдзаборым чоҥен пытарыме
Волжский районышто у вӱдзаборым чоҥен пытарыме. «Ару вӱд» федерал проектым шыҥдарыме кышкарыште Приволжский посёлкышто вӱд заборышто пашам мучашлыме. Тушко кызыт улшо вӱд пуч- влакымат ушымо. Суткаште тӱжем кубометр вӱдым пуэн кертше объектым кызыт пашаш колташ ямдылат. Российысе чоҥымаш да ЖКХ министрын алмаштышыже Алексей Ереськон мутшо почеш ондак вӱд дене пайдаланыше- влакын шукеммыштлан кӧра станций вӱдым ситарен кертын огыл, тыге вӱдын качествыже начарештын. Ынде у вӱдзабор ятыр йодышым виктарен колта. Кум тӱжемат 600 утла еҥ чапле вӱдым ситышын налаш тӱҥалеш. Проект кышкарыште 333 метр утла вӱдпучым шупшмо, кумдыкым тӱзландарыме. РосСтройКонтрольын генеральный директоржо Владимир Щербинин каласен: Приволжскийыште вӱдзаборым чоҥымо пашам РосСтройКонтрольын специалистше- влакын терген шогымышт почеш шуктымо. Тушко видеоэскерыме системым да оролышо-пожар сигнализацийым пуртымо.
Фото: Россий Минстройыш пурышо «РосСтройКонтроль» ФБУ-н пресс-службыжо
Фото: Россий Минстройыш пурышо «РосСтройКонтроль» ФБУ-н пресс-службыжо
