Волжский районысо кок селаште верысе чолга еҥ- влак ял администрацийла дене пырля чапле проектым шыҥдарат

Волжский районысо кок селаште верысе чолга еҥ- влак ял администрацийла дене пырля чапле проектым шыҥдарат
              Волжский районысо кок селаште- Сотнур ден Кукшеҥерыште (Эмековышто) верысе чолга еҥ- влак ял администрацийла дене пырля чапле проектым шыҥдарат. Сотнурышто памашым тӱзландарен чоҥат да  вӱд гоч пыштыме йолешке кӱварым ачалат. Нине кок администрацийым вуйлатыше- влак Людмила Яковлева ден Наталья Апакован палемдышт почеш, верысе калык илемысе депутат- влак погынымашын депутатыштым да верысе админстрацийын еҥыштым ӱжын, шке погынымашым эртареныт. Жап шотышто кутырен келшеныт, сметым ыштеныт, оксам погеныт да шонымо пашам илышыш шыҥдараш тӱналыныт. Пашалан тунемше кид дене чыла сомылым шуктеныт. Тыге Эмековышто плотина гоч кӱварым олмыктеныт да памашым тӱзландараш кугу чоҥымо пашам шуктеныт. Ынде памаш ӱмбалсе павильонын леведышыжым профнастил дене леведаш да памаш деке волаш йӧнан тошкалтышым ышташ кодын. Кукшеҥер ял администраций олмыкташлан оҥам пуэн, молыжым верысе калык шке конден. Плотина гоч кӱвар Набережный  урем ден Кукшеҥгер да Лесной уремлам ушен шога.  Тудын гоч чыланат: изижат-кугужат коштыт. Ял администраций вуйлатыше- влак верысе чолга еҥ-шамычлан кугу таум ойлат.
        Фото: «Единая Россия» верысе пӧлкан архивше.

Прошлые выпуски