Герой-йоча- влаклан «Лӱддымылыкым ончыктымылан» медальым пуымо

Герой-йоча- влаклан «Лӱддымылыкым ончыктымылан» медальым пуымо
                 Марий Эл гыч герой-йоча- влак «Лӱддымылыкым ончыктымылан» медальым налыныт. Федераций Советын шарнымашан медальжым  Марий Элым вуйлатыше Юрий Зайцев сенатор- влак Константин Косачёв да Сергей Мартынов дене пырля кучыктен. У Торъял район гыч Анастасия Брума вӱдыш пурен кайыше рвезым утарен. Волжский район гыч Максим Романов шурно пасуэш тул пижмым ужын да кугыеҥ- влаклан увертарен да вара пырля йӧртымаште тыршен. Курык марий район гыч Иван Никифоров илалше ӱдырамашлан эҥер гыч лекташ полшен. Юрий Зайцев палемден: ик велым ӧрыктара, вес велым йоча- влакын кугыеҥ семынак лӱддымылыкым ончыктымышт тыгак лийшаш манме шонымашым луктеш. Нунын подвигышт нерген уверым шымленам. Чынжымак лӱддымӧ да таҥастараш лийдыме паша- влак. Йоча шкаланже лӱдыкшым ончыде, полша, утара да пеш кӱлешан пашам шукта. Тыште ача-аваштын надырыштат пеш кугу. Глава йоча- влакым наградым налмышт дене эше ик гана саламлен да пеҥгыде тазалыкым, шке вийлан ӱшаным тыланен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски