Йошкар-Олаште Марий калыкын 12-шо Погынжо пашам ышта

Йошкар-Олаште Марий калыкын 12-шо Погынжо пашам ышта
             Таче Марий калыкын 12-шо Погынын делегатше- влак пашам умбакыже шуеныт. Таче эрдене уна- влак Марий Паркым почмашке миеныт. Тудым «Оласе йӧнан кумдыкым ыштымаш» федерал проект почеш чоҥымо. Паркым кок ий наре ыштеныт. Тӱзландарыме кумдыкым оласе калык рейтинг йӱклымаште ойырен налын. Пашан акше 74 миллион теҥгем эртен. Почмашке Марий Элым вуйлатыше Юрий Зайцев, Кугыжаныш Погыным вуйлатыше Михаил Васютин, сенатор- влак Константин Косачёв ден Сергей Мартынов миеныт. Юрий Зайцев палемден: Марий парк- оласе у кумдык, йӱла да у креатив паша вер. У парк чылалан калыкле илыш дене кылдалтше вер лиеш. Тушто каныме парк, куштымо вер, усталык кумдык- влак улыт. Тыштак марий калыкын йӧратыме пайремже- влак эртаралташ тӱналыт.  
            Вара Погынын делегатше- влак Шкетан лӱмеш марий калыкле драма театрыш кусненыт. Тушто Погыным торжественно почмаш эртен да секцийлаште паша тӱналын. Кастене уна- влак театрыште «Кеҥеж йӱд» спектакльым онченыт.

             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски