Марий Элыште йол деч посна кодшо СВО-н участникшылан пашаш пураш полшеныт

Марий Элыште йол деч посна кодшо СВО-н участникшылан пашаш пураш полшеныт
           Марий Элыште йол деч посна кодшо СВО-н участникшылан пашаш пураш полшеныт. Алексей Протасевич сар кундемыште нелын сусырген. Врач- влак тудын йолжым пӱчкаш пунчалыныт. Самырык еҥ госпиталь гыч лектын да реабилитацийым эртен. СВО марте тудо Краснооктябрьскысе кӱртньӧ изделий заводышто станокын автоматчикшылан пашам ыштен. Шке организацийышкыже пӧртылаш шонымыжо нерген «Ачамландым аралыше- влак» фондын марий филиалжын социал координаторжо Елена Чемодановалан каласкален. Тудыжо заводын администрацийже дене мутланен да военный инвалидлан паша йӧным ышташ йодын. Вуйлатыше- влак тореш лийын огытыл. Кӱчык жапыште чыла йӧным ыштыме: паша верым ямдылыме да оборудоватлыме, быт йӧным ыштыме. Тиддеч посна администраций ветераным пашаш кондаш йӧным муын. Шукерте огыл социал координатор Алексей Протасевич деке пашакыже миен, цехым вуйлатыше да кадр пӧлкам вуйлатыше дене мутланен. Коллектив кеч-могай жапыште шке пашазыжлан полшаш ямде улмыжым пален нален. Алексейын кумылжат кӱлешан. Тудо неле илыш йыжыҥым ончыде, пашам ышташ да пайдам кондаш ямде улеш.
          Фото: ВК «Защитники Отечества | Марий Эл»

Прошлые выпуски