Марий Элым вуйлатыше Координационный советын заседанийжым республикысе калыкын СВО-што участвоватлымыже дене кылдалтше йодыш дене эртарен
Марий Элым вуйлатыше Координационный советын заседанийжым республикысе калыкын СВО-што участвоватлымыже дене кылдалтше йодыш дене эртарен. Тӱналтышыште Республикым вуйлатыше Юрий Зайцев СВО-н участникше- влаклан полышым пуымаште тыршыше чолга еҥ- влаклан наградым кучыктен. СВО-н участникше да нунын ешыштлан полшымо регионысо мера- влак нерген Правительстве вуйлатышын алмаштышыже- тӱвыра министр Константин Иванов каласкален. Марий Элыште 50 наре полыш пуалтеш. «Ачамландым аралыше- влак» фондын верысе филиалжым вуйлатыше Ренат Магсумовын мутшо почеш фондын пашам ышташ тӱналмыже годсек 5 тӱжем утла еҥ полышым йодын. Нуно 17 тӱжам утла тӱрлӧ йодышым виктараш полшаш йодыныт. Тыгак полыш нерген ятыр организаций, штаб, ушемлам вуйлатыше- влак ойленыт. Мучашлан Юрий Зайцев пайдале вашкыллан таум каласен да полышым умбакыжат пуэн шогаш кӱлеш манын палемден.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
