Марий Элыште кормам лу кечылан ондак ямдылаш тӱҥалыныт
Марий Элыште кодшо ий дене таҥастарымаште кормам лу кечылан ондак ямдылаш тӱҥалыныт. Таче кечылан тудым 255 тӱжем тонным шапшалыме, Тидыже 43 процент лиеш, а план почеш 587 тӱжем тонн утла кӱлеш. Сенажым 170 тӱжем тонным аралаш пыштыме, тидыже кодшо ийысе деч 61 тӱжем тоннлан шукырак. Игечым шотыш налын силосым 77 тӱжем тонным ыштыме. Тидыже 7 тӱжем тоннлан шагалрак, шудым шым тӱжем тонным ыштыме, 12 тӱжем тоннлан шагалрак. Нӧрӧ да чоштыра кормам ямдылыме планым мыняр кӱлешым да кодшо ийысе деч кодшым шотыш налын ыштыме. Туге гынат ик условный вуй вольыклан 25 процент деч шагал огыл кормовой единицым шапашлыме лиеш. Тынар кугыт тичмаш ситышаш. Паша умбакыже шуйна. Тидын дене пырля клат ден техникым пырчан культурым, пареҥгым, саскам погаш ямдылат.
Фото: Марий Элысе ял озанлык министерстве.
Фото: Марий Элысе ял озанлык министерстве.
