Марий Элын парымжым ик миллиардат 600 миллион тенгелан шагалемдат
Марий Элын парымжым ик миллиардат 600 миллион тенгелан шагалемдат. Российын Правительствыже элысе 25 регионын бюджет кредит шотышто парымжым пытара. Пытарыме парымын тичмаш кугытшо 43 миллиард теҥге лиеш. Российын Премьер- министрже Михаил Мишустин тидын шотышто распоряжениеш кидпалыжым пыштен. Марий Элын парымжым ик миллиардат 600 миллион теҥгелан иземдат. Премьерын мутшо почеш, регионлаште кодшо окса кӱлешан задаче- влакым решеатлаш кая, а тидыже экономикын вияҥмаштыже да социал сферыште сай лектышым пуа. Парымым иземдыме регион- влак коклаште Марий Эл деч посна Алтай Республике, Бурятий, Дагестан, Кабардино-Балкарий, Крым, Йӱдвел Осетий, Тува да моло кундем- влак улыт.
