Йошкар-Олаште илыше еҥ ик курымаш лӱмгечыжым пайремлен

Йошкар-Олаште илыше еҥ ик курымаш лӱмгечыжым пайремлен
              Йошкар-Олаште илыше еҥ ик курымаш лӱмгечыжым пайремлен. Пётр Афанасьевич Щербаков Изи Туршо ялыште шочын. Изи гычак колхозышто пашам ыштен да тиде жапыштак тунемын. 17 ияш лиймекыже фронтыш каен. Эрвел Европысо эллам утарен, Сеҥымашым Прагыште вашлийын. Сар деч вара Вооруженный вийыште умбакыже служитлен. 1950-ше ийыште граждан илышыш куснен, ешым чумырен. Галина Сергеевна дене ӱдыр ден эргым куштеныт. Пётр Афанасьевич шофёрлан, бухгалтерлан, туныктышылан, страховой агентлан пашам ыштен 1977-ше ийыште Семёновка ялсоветын депутатше лийын. Служитлыме да пашам ыштыме жапыште 21 медаль дене палемдалтын. Нунын коклаште «Ачамланде сарын кокымшо степенян» орденже, «Фронтовик» знакше уло. Тений тудлан «Йошкар-Олан почётан гражданинже» лӱмым пуымо. Тудо поэзийым йӧрата, Сергей Есениным наизусть лудеш, лишыл еҥже- влакым да пакча пашам йӧрата. Тудын кок йочаже, кум уныкаже да ныл кугезе уныкаже улыт. Лӱмгече озам саламлаш Йошкар-Оласе комплексный рӱдерын пашаеҥже- влак миеныт да Президент Владимир Путин ден Марий Элым вуйлатыше Юрий Зайцев деч саламлымашым кучыктеныт.
           Фото: Марий Эл паша министерстве.

Прошлые выпуски