Марий Элыште 20-шо гана «Еш- Изи черке» фестиваль тӱналын
Марий Элыште 20-шо гана «Еш- Изи черке» фестиваль тӱналын. Тудо Килемар районысо Молевой ер воктене эрта. Тудын темыже- «Сеҥымашлан 80 ий». Тудым Килемарысе пророк Илия храмын приходшо, тудын настоятельже протоиерей Андрей Романов ямдыленыт. Фестиваль тӱжвалне, палаткан лагерьыште эрта. Тушко уло республике да пошкудо кундемла гыч еш- влак чумыргеныт. Нунылан шинчымашым пуышо, шӱм-чон да патриотике, спорт да тӱвыра мероприятий- влак эртаралтыт. Фестивальым почмашке Йошкар-Олан да Марий Элын митрополитше Иоанн ден Волжскын да Шернурын епископшо Феофан миеныт.
Фото: Николай Селюнин.
Фото: Николай Селюнин.
