Вознесений кӱварыште олмыктымо паша кеҥеж мучаш марте шуйна

Вознесений кӱварыште олмыктымо паша кеҥеж мучаш марте шуйна
              Йошкар-Оласе Вознесений кӱварыште олмыктымо паша кеҥеж мучаш марте шуйна. Подрядчик- «Мостремстрой» олмыктымо пашам Патриарший площадь велым тӱҥалеш. Кӱварын тиде ужашыжым икымше сентябрь марте петырыме лиеш. Транспорт кок могырышкат четный могыр дене Вознесений собор да «Динамо» стадион велым коштеш. «Евроспар» кевыт деке калыклан да сатум кондышо- влаклан машина дене пураш йӧн ышталтеш. Кӱварым «Качестван лӱдыкшыдымӧ корно» калыкле проект почеш олмыктат. Контрактым 245 миллион утла теҥгелан ыштыме. Пӱтынь пашам 29-ше сентябрь марте мучашлышаш улыт.
           Фото: ВНД «газет».

Прошлые выпуски