Йӱксар селаште Элым аралыше- влаклан чапкӱм уэмдыме

Килемар районысо Йӱксар селаште Элым аралыше- влаклан чапкӱм уэмденыт. Стелыште  сар гыч пӧртылдымӧ 215 еҥын лӱмжым возымо ыле. А тений Кугу Сеҥымашлан 75 ий темме идалыкыште эше 23 мемориал плитам ешарыме. Тушко Йӱксар  кундемысе ялла  гыч эше 207 фронтовикын лӱмыштым ешарыме. Ынде тиде кундем гыч Кугу Ачамланде сарыште лийше чыла еҥын лӱмыштым пуртымо. Мемориал плита- влакым ышташ йӧн Анастасия Толстован «Иктат мондалтын огыл, нимомат мондымо огыл» проектшылан кӧра лектын. Тиде проект самырык- влакын Россий кӱкшытан грант конкурсыштышт сеҥышыш лектын ыле. Грантын кугытшо 300 тӱжем теҥге лийын. Уэмдыме чапкӱм нылымше ноябрьыште Калыкын икоян улмо кечынже, Республикылан 100 ий темме кечын почаш палемдыме.

Прошлые выпуски