Январьыште шуко пачеран пӧртым Йошкар-Олаште гына чоҥеныт
Январьыште шуко пачеран пӧртым Йошкар-Олаште гына чоҥеныт. Республикыште тенийсе икымше тылзыште тӱрлӧ оксам кучылтын 191 пачерым чоҥымо. Тудын тӱшка кумдыкшо- 14 тӱжем утла квадрат метр. Кодшо ий дене таҥастарымаште ямде илыме верым сдатлымаш 9 утла процентлан шагалемын, - увертара Маристат. Кундемысе калык шке оксаже да кредит кӱшеш 54 посна пӧртым чоҥен- 8 тӱжем квадрат метрым. Тидыже кодшо ийысе январь деч 26 процентлан шагалрак. Калыкын чоҥымо пӧртшӧ республике мучко чоҥымо илемын 57 процентше лиеш. 2019-ше ий август гыч сад-пакча кундемлаште илыме пӧртым чоҥаш лиеш. Но тыгай пӧртым эше нӧлтымӧ огыл. Январьыште шуко пачеран пӧрт- влакым рӱдӧ олаште гына нӧлтымӧ, моло ола ден муниципал районлаште посна пӧртым гына ыштыме.
Фото: donzempro.ru
Фото: donzempro.ru
