«Ястреб» пӧлкаште кроссфит дене таҥасымаш эртен
«Ястребын» боецше- влак ойыртемалтше трофейым налыныт: саркураллан ӱйым да витамин комплексым. Спец назначениян «Ястреб» пӧлкаште кроссфит дене таҥасымаш эртен. Тудо младший лейтенант Сергей Новиковым шарныме лӱмеш пӧлекталтын. Новиков 2000-ше ийыште Чечняште службо порысым шуктымыж годым вуйжым пыштен. Тудым шарныме лӱмеш спорт турнир- влак кажне ийын эртаралтыт. Кроссфит таҥасыме спорт семын тӱрлӧ таҥасымашым ущен кертеш. Шерева «Ястребым» вич командылан ойырен. Кажныже кандыра дене кӱзышаш, турникыште нӧлталалтшаш, 20 гана кирам нӧлталшаш, тренажёрышто пел уштышым ийын эртышаш, велотренажер дене кудалыштшаш да моло таҥасымаш- влак эртеныт. Молгунамсе семынак келшымаш сеҥен, коллектив- влак коклаште ойыртемже секунд дене веле лийын. Сеҥыше- влаклан посна витамин комплекс- влакым, саркураым шӱраш чапле ӱйым пуэныт. Профессионал коклаште тыгай пӧлек кӱкшын аклалтеш. Пӧлкам вуйлатыше- влак ынде турнирын лектышыже почеш командым чумыраш да моло силовой ведомствыла гыч коллегыштым ӱжын спец назначениян таҥасымашым эртараш шонат.
Фото: wallpapercave.com
Фото: wallpapercave.com
