Озьоркадыр ялыште илыше- влак телылан пу деч посна кодын кертыт
Курык марий округысо Озьоркадыр ялыште илыше- влак телылан пу деч посна кодмо лӱдыкшым шижыт. Тидын нерген ялысе ӱдырамаш Нина Забродина каласкален. Ялыш газым пуртымо огыл. Сандене пу дене олтена. А пуым верысе лесхозышто заказыватлена. Тудым тӱҥ шотышто телым кондат. Сандене кеҥежлан пӱчкеден, шелышт шуктена. А тений пуым икмыняр еҥлан гына конденыт. Теле тораште огыл, а ме пу деч посна улына. Лесхозышто пу уке манын вашештеныт.- ойла Нина Андревна, шкет илыше пенсионер, ончычсо туныктышо, пашан ветеранже.
Туге гынат райрӱдыш але олаш куснаш ок шоно. Тывелыштак шочын, школышто пашам ыштен, шке ялжым йӧрата. Мут толмашеш, шушаш ийын яллан 310 ий темеш. Калыкле проект- влаклан кӧра ял уэмеш, тӱзландаралтеш. Но кугу вашталтыш дене пырля тыглай айдеме шке йодышыжо дене пырля шкеак веле кодеш. Телым илен лекташ тудлан пу кӱлеш. Проблемыже нерген кугыжаныш пабликыш, Кугыжаныш Погынын приёмныйышкыжо, ОНФ-ыш возен. Вучаш гына кодеш.
Фото: МариМедиа.
Туге гынат райрӱдыш але олаш куснаш ок шоно. Тывелыштак шочын, школышто пашам ыштен, шке ялжым йӧрата. Мут толмашеш, шушаш ийын яллан 310 ий темеш. Калыкле проект- влаклан кӧра ял уэмеш, тӱзландаралтеш. Но кугу вашталтыш дене пырля тыглай айдеме шке йодышыжо дене пырля шкеак веле кодеш. Телым илен лекташ тудлан пу кӱлеш. Проблемыже нерген кугыжаныш пабликыш, Кугыжаныш Погынын приёмныйышкыжо, ОНФ-ыш возен. Вучаш гына кодеш.
Фото: МариМедиа.
