Йошкар-Олаште «Сеҥымашын чурийже- влак» проект тӱналын
Теҥгече Йошкар-Олаште «Сеҥымашын чурийже- влак» проект тӱналын. Тудым Йошкар-Олан историй тоштерже ямдылен. Конкурс Кугу Ачамланде сарыште сеҥымылан 75 ий теммылан пӧлеклалтеш. Тоштер пашаеҥ- влакын мутышт почеш, проект кок ужаш гыч шога: кусныл коштшо ончер да усталык паша конкурс гыч. Оласе школлаште тунемше- влаклан сарын участникше, тудын подвигше нерген эссе семын каласкалаш темлат. Конкурс 31-ше март марте шуйна. Эн сай паша- влак «Сеҥымашын чурийже- влак» сборникыш пурталтыт. Кусныл коштшо ончер пашам ышташ тӱҥалын. Проектыш оласе 30 школ ушнен.
