Йошкар-Олаште грузовой автомобиль- влакым тергат
Йошкар-Олаште грузовой автомобиль- влакым тергыме шотышто мероприятий- влак каят. ГИБДД пашаеҥ- влак ГИБДД-н кӱштымашыж деч посна конструкцийыш вашталтышым пуртымо грузовой машина- влаклан кугу тӱткышым ойырат. Тыгайжым верештыт гын, регистрацийым пытарыме шотышто материалым регистраций подразделенийлашке колтат. Тиддеч посна, грузовой автотранспортын грузым шупшыктымо шотышто нарушенийым верештмеке, оза- влаклан представленийым возат. Тений 9 тылзе жапыште грузовой транспорт- влак дене 28 ДТП лийын. Тидын годым 38 еҥ эмганен да кум еҥ колен. Тидын годым тӱҥ шотышто грузовой машинан водительже- влак титакан лийыныт.
