Йошкар-Ола аэропортышто инфраструктурым пужен ыштат

Йошкар-Ола аэропортышто инфраструктурым пужен ыштат
              Йошкар-Ола аэропортышто инфраструктурым пужен ыштат. Кызыт тушто коллекторым рончат, кабель вынем- влакым ястарат, рулитлыме корнын шартышыжым кораҥдат, грунт негызшым пеҥгыдемдат,- увертара «Ространсмодернизаций» виктем. Тидын годымак вӱд йогымо сетьын элемент ден искуственный шартышыжым, локальный очистной сооруженийым рончат. Чоҥештен кӱзымӧ да волен шичме полосан шартышыжым тӱжем квадрат метр кумдыкышто кораҥдыме. Проектым шыҥдарыме кышкарыште ыштышаш паша радамыште улыт: 42 метр кумдыкан да кок тӱжемат 401 метр кужытан чоҥештен кӱзымӧ да волен шичме поласам, рулитлыме корным пужен ыштымаш, командно-диспетчер пунктын да автоматизироватлыме кыл системын у зданийжым чоҥымаш, у метеостанцйиым, светосигнал оборудованийым, чоҥешташлан радиотехник системым вераҥдымаш, куд у трансформатор подстанцийым чоҥымаш, очистной сооруженийым пужен ыштымаш, 81 утла меҥгыш шуйнышо у кабель линий ден кыл линийым шупшмаш пурат.
          Фото: ВМарийЭл официальный портал.

Прошлые выпуски