Йошкар-Ола гыч Полина Соловьёва «Артекын» тӱҥ наградыжым сеҥен налын
Йошкар-Ола гыч Полина Соловьёва «Артекын» тӱҥ наградыжым сеҥен налын. «Виват, Россий!» Виват, Артек!» кудымшо смена легендыш савырныше лагерьын историйже да Артекын чапле йӱлаже- влаклан пӧлеклалтше пайрем шоу-программе дене мучашлалтын. Поро йӱлаш савырныше «Чеверласыме деч ончыч вашлиймашыш» элнан тӱрлӧ кундемже, Казахстан, Индий, ЮАР гыч кум тӱжем утла йоча ушнен. Нунын кокла гыч 400 тунемшыже Юл кундем округ гыч, а 20 еҥже- Марий Эл гыч. 500 утла самырык артистым ушышо куштымаш да вокал коллектив- влак волгыдо пайремым ыштеныт. Тиде вашлиймашыште йӱла почеш йоча лагерьын тӱҥ наградыжым «Артекын шӱдыжӧ» палым кучыктеныт. 6-шо сменын лектышыже почеш кӱкшӧ сеҥымашыш шумылан, программылаште чолган участвоватлымылан, шке ийготаш- влакым, артекысе чыла калыкым пагалымылан Артекын шӱдыржӧ лӱмым Йошкар-Ола гыч «Кипарисный» йоча лагерьыште каныше Полина Соловьёва да эше 8 еҥ налыныт.
Фото: Туныктыш министерстве.
Фото: Туныктыш министерстве.
