Марий Элым вуйлатыше Президент Владимир Путинын эртарыме пленар заседанийыште лийын
Марий Элым вуйлатыше Президент Владимир Путинын эртарыме пленар заседанийыште лийын. Тушто Петербургысо Тӱнямбал экономик форумын пашажым иктешлыме. Марий Элым вуйлатыше Россий Президентын выступленийжым кугыжанышым экономик велым вияҥдыме корно- влакым рашемдыше да стратегический манын палемден. Федерал правительствын курсшылан кӧра элна осалым шонышо кугыжаныш- влакын койышыштым ончыде, ӱшанлын ончыко кая. Республикым вуйлатыше палемден: регионысо промышленный предприятий- влак кодшо ийын да тений икымше пелийыште сатум колтымашым нимынярат иземден огытыл, мӧҥгешла. Ассортиментым кугемденыт, у рынкылаш лектыныт, моло эл дене кылым саемденыт. Юрий Зайцев иктешлышыла ӱшаным каласен: форумышто ыштыме ойпидыш- влак республикым умбакыже сайын вияҥ толаш йӧным ыштат.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
