«Эн сайын пушеҥгым сӱмырышым» рашемденыт

«Эн сайын пушеҥгым сӱмырышым» рашемденыт
            Республикыштына «Эн сайын пушеҥгым сӱмырышым» рашемденыт. Республике кӱкшытан профессионал мастарлыкым тергыме конкурс 16-шо июньышто лийын. Тудым Юлтех, пӱртӱс поянлык министерстве, Чодыра дене пайдаланыше- влак Ушемын полшымыжо дене ямдыленыт. Таҥасымашке Марий Эл, Моско, Брянск, Киров, Угарман областьлан, Татарстан ден Чувашийын да Кемерово олан мастарышт ушненыт. Сеҥыше- влакым Марий Эл гыч да уна- влак кокла гыч ойырымо. Конкурсын чыла йыжыҥже деч вара Марий Эл гыч участник- влак коклаште эн сайлан Куяр лесничестве гыч Иван Харламовым шотлымо, «Вереск» ушем гыч Сергей Ефремов кокымшо, «Авиалесоохране»  гыч Леонид Самаев кумшо лийыныт. Уна- влак кокла гыч пушеҥгым эн сайын Брянск оласть гыч Владимир Буянов сӱмырен. Кокымшо верым Чуваший гыч Сергей Субботин, кумшым Чуваший гычак Артём Шашков налыныт.
          Фото: Пӱртӱс поянлык министерстве.

Прошлые выпуски