«Йошкар-Ола театральная» фестиваль почылтын

Таче эше ик мероприятий тӱҥалын. 18 шагат кастене Шкетан лӱмеш калыкле марий драма театрыште «Йошкар-Ола театральный» фестиваль пайрем семын почылтын. Тудо профессионал театр- влакын «Марий Эл театральный» Тӱнямбал фестиваль-марафонышт кышкарыште эрта. Тудо 1994-ше ий годсек шошым эртаралтеш, но тений октябрь тӱҥалтышыш кусарыме ыле да 8-ше октябрь марте шуйна. Фестивальым «Йыван Кырла. Путёвка в жизнь» спектакль почеш. Эрла курчак театр «Лумӱдырым» ончыкта, Курык марий театр «Про Федота стрельца, удалого молодца» йомакым калык ончыко луктеш, Руш театр «Зойкина квартира» комедий-фарсым темла. Рушарнян Марий самырык театр «Ася» пашажым ончыкта, Эрик Сапаев лӱмеш театр «Аида» оперым, Руш театр «Сотворившая чудо» постановкым темлат.

Прошлые выпуски