Юрий Зайцев СВО-н ветеранже- влаклан «Лӱмын эртарыме сар операцийын участникше» оҥеш пижыктыме знакым кучыктен

Юрий Зайцев СВО-н ветеранже- влаклан «Лӱмын эртарыме сар операцийын участникше» оҥеш пижыктыме знакым кучыктен
           Юрий Зайцев Лӱмын эртарыме сар операцийын ветеранже- влаклан «Лӱмын эртарыме сар операцийын участникше» оҥеш пижыктыме знакым кучыктен. Наградым кучыктымо торжественный церемоний Республикысе калык- влакын келшымаш пӧртыштышт эртен. Глава палемден: Элым аралышын кечыжым пайремлыме вашеш тиде вашлиймаш ойыртемалтше значенийым налеш. Ме кӱлешан событийлан погыненна. Ме лӱмын регионысо наградым ыштенна, элна верч шке илышыжым чаманыде кредалше- влаклан ме тауштышаш улына. Тыге шонем: кӧ лӱмын эртарыме сар операцийым эртен, мӧҥгыжӧ сеҥымаш дене пӧртылшаш да тыгай наградым налшаш. 24-ше февральыште Российын Президентше Владимир Путинын СВО-н тӱҥалмыже нерген увертарымыжлан кок ий темеш. Мый палем, спецоперацийым  пӱтынек негызлен увертарыме,  тушманна- влак чыным каласаш огыт шоно,- каласен Юрий Зайцев. Регионысо кучем Марий Эл гыч военнослужащий- влаклан чарныде полшаш тырша. Мо мемнан деч шога, чыла ышташ тыршена. Чоҥымо материалымат, квадрокоптерымат, кӱлеш оборудованийымат колтена. Военнослужащий- влакын ешышт ончылнат социал обязательствынам шуктен шогена, полышым кумдаҥдаш тыршена,- манын Юрий Зайцев. Тудо СВО- ветеранже- влакын йодышыштлан вашештен да лишемше пайрем дене саламлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски