Йошкар-Оласе 7-ше номеран школын тӱҥалтыш класслаштыже тунемше- влак у тунемме идалыкым вес школышто вашлийыт

Оласе 7-ше номеран школын тӱҥалтыш класслаштыже тунемше- влак у тунемме идалыкым вес школышто вашлийыт. Школышто кызыт кугу олмыктымо паша кая. Сандене ача-ава- влак чоҥен огыт шукто манын тургыжланат. Олмыктымо паша кум блокышто кая: кыдалаш, кугурак класслаште да тӱҥалтыш школышто. Икымше кок блокшо август мучашаште ямде лийшаш гын, тӱҥалтыш класс- влак 25-ше ноябрьыште гына. Молан манаш гын, кеч- могай олмыктымо пашаштат вучыдымо сомыл- влак лектыт. А тудыжо ешартыш жапым йодеш. Тӱҥалтыш класслаште чыла коммуникацийым, перекрытийым, окнам, леведышым вашталташ да негызым пеҥгыдемдаш верештеш. Молан манаш гын, корпусым 40-ше ийлаштак чоҥымо. Чоҥышо- влак чыла жапыштыже шукташ сӧрат. Тӱҥжӧ- кызыт кыдалаш да кугурак класслам ыштен шуктыман. Оласе туныктыш виктемым вуйлатыше Вадим Усковын мутшо почеш, тӱҥалтыш класс- влакым 2,4, 12-шо школла деке пеҥгыдемдыме. Сандене у тунемме ийым изирак йоча- влак шке школыштышт огыл гынат, жапыштыже тӱҥалыт.

Прошлые выпуски