Йошкар-Олаште 2022-шо ийыште йӱклымаште ойырен налме кок объектым тӱзландарат
Йошкар-Олаште 2022-шо ийыште йӱклымаште ойырен налме кок объектым тӱзландарат. Тыге, Киров уремысе нечётный могыр дене йолешке кумдыкым шотыш кондат. Тротуаршыте вело корно лиеш. Тудо Киров урем ден Ленин проспектым уша. Тиде объект верч кум тӱжем еҥ шке йӱкшым пуэн. Тыгак Ленин проспект дене «Марий паркыште» паша тӱҥалын. Тудо йӱклымаште эн шуко йӱкым поген ыле. Тудо ондаксе паркым уэш пӧртылта. Чапланыше Марий парк кызытсе Чарла кремль олмышто верланен ыле. У парк эҥер вес велыште лиеш. Кызыт тушто геодезий паша кая, верлан архитектурым келыштарат. Концепций почеш тудо икмыняр зоно гыч шога, но чылажымат: каныш, куштымо площадке, усталык кумдык да сцена- влак – калыкле тема ушен шога. Тушто пайремым, калык йӱлам эртараш палемдалтеш, марий сем, почеламут- влак йоҥгаш тӱҥалыт. «Оласе йӧнан кумдыкым ыштымаш» федерал программыш йӱклаш тений паркын кокымшо ужашыжым лукмо. Тушко тротуарым, корнылам, тул волгыдым, йоча площадкым ыштымаш пурат. Проектым 12.городсреда.ру платформышто поддержатлаш лиеш.
Фото: Чоҥымаш министерстве.
Фото: Чоҥымаш министерстве.
