Йошкар-Олаште фиджитал-спорт дене Республике кӱкшытан еш турнир лиеш

Йошкар-Олаште фиджитал-спорт дене Республике кӱкшытан еш турнир лиеш
               Йошкар-Олаште фиджитал-спорт дене Республике кӱкшытан еш турнир лиеш. Бауман лицей ден Икымше- влакын толкыныштын регионысо пӧлкаже фиджитал-спорт дене турнирыш ушнаш йодмашым налаш тӱҥалме нерген увертарат. Таҥасымашке уло республике гыч школьник- влакын еш командышт ушнен кертыт. Команде радамыште 3-5 еҥ лийшаш: 1-2 ача-ава да ик-кум йоча. Йоча- влак 14 ияш марте лийшаш улыт. Ача-аван ийготыштым огыт шотло. Турнир тыгай спорт- влак дене лиеш: фиджитал-баскетбол (уремысе баскетболат пура), фиджитал- теннис, джаз-дэнс, симуляторышто дроным виктарымаш да «весела старт- влак». Команде- влак спортым шке ойырен налыт. Кокыт деч шагал огыл спортым ойырен налман, иктыже физический нелылыкан лийшаш. Турнир кум йыжыҥ дене эрта: тренироватлалтме да ончыктымо модмаш- влак, ойырен налме турнир, финал. Финалыш эн сай лектышым ончыктышо 10-12 команде лектеш. Йодмашым 20-шо ноябрь марте колтыман. Фиджитал- спорт - шке кышкарышкыже компьютер да тыглай спорт- влакым ушен шога.
        Фото: Лого.

Прошлые выпуски