Йошкар-Олаште илыше ӱдырамаш Бастрыкинлан серышым возен
Йошкар-Олаште илыше ӱдырамаш Бастрыкинлан серышым возен. Российын следствий комитетшым вуйлатыше Александр Бастрыкинлан ВКонтакте вотысо приёмный гоч ӱдырамаш Свердлов уремысе шуко пачеран пӧртыштӧ илыше- влакын правшатым пудыртымо нерген увертарен. 1955-ше ийыште чоҥымо зданий аварийный улеш. Конструкцийже шалана, пу ужашыже- влак шӱйыт, тоштеммаш 80 процентым эртен. 2017-ше ийыште пӧртым аварийныйлан шотлымо да кодшо ийын декабрь марте калыкым кусарышаш улыт ыле. Но калык кызытат тиде лӱдыкшӧ пӧртыштак ила, илыме верым пуэн огытыл. Следствий комитетын Марий Элысе виктемыштыже пурышо йодмаш почеш тергымаш тӱҥалын. Следствий комитетым вуйлатыше Александр Бастрыкин Евгений Тумандейкинлан лектыш нерген увертараш кӱштен. Кӱштымашым шуктымым ведомствын рӱдӧ аппаратыштыже контрольыш шындыме.
Фото: Российын Следствий Комитетше
Фото: Российын Следствий Комитетше
