Йошкар-Олаште просвещений министр совещанийым эртарен
Марий Элын рӱдӧ олаже Российысе просвещений министерствым вуйлатышын совещанийым эртарыме верыш савырнен. Йошкар-Олашке паша дене Российын просвещений министрже Сергей Кравцов ден Россий Президентын Юл кундем федерал округышто полномочный представительже Игорь Комаров толыныт. Министерствым вуйлатыше округышто туныктыш системым вияҥдымылан пӧлеклалтше совещанийым эртарен. Тушто Марий Элым вуйлатыше Юрий Зайцев, Федераций Советым вуйлатышын алмаштышыже Константин Косачёв, округысо чыла кундемын представительышт лийыныт. Сергей Кравцов палемден: Марий Элыште да пӱтынь налмаште округыштат Президентын чыла кӱштымашыже жапыштыже шукталтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
