Йошкар-Олаште Российысе калык- влакын йылмыштым цифровизироватлыме нерген конференций лиеш

Йошкар-Олаште Российысе калык- влакын йылмыштым цифровизироватлыме нерген конференций лиеш
              Йошкар-Олаште Российысе калык- влакын йылмыштым цифровизироватлыме нерген конференций лиеш. Тыгай форум мартыште лийшаш. Тӱнямбал кӱкшытан «Россий калык- влакын йылмыштым цифровизироватлымаш: опытым шарен колтымаш да ончыкылык» 6-шо шанче-практик конференций Йошкар-Олаште 20-21-ше мартыште эрта. Конференцийын программышкыже пленар да секцийлаште заседаний, йыргешке ӱстел- влак пурат. Ямде продукт- влаклан презентаций, тематик площадке, мастар-класс- влак лийшаш улыт. Погынышо- влак цифран кумдыкышто йылмын кучылталтмыже, йылмым да тӱвырам вияҥдымаште цифран технологий, йылмым документироватлымаш, йылме дене чолганрак  пайдаланаш кумылаҥдыме корно да моло теме- влакым тарватат. Форумым Российысе национальность-влакын пашашт шотышто федерал агентство, Марий Эл Республике, Марий Кугыжаныш университет, «Яндекс», МарНИИЯЛИ ямдылат.

Прошлые выпуски