Юрий Зайцев Россий Президент пелен йочан праваже шотышто уполномоченнный Мария Львова- Белова дене пашаче вашлиймашы эртарен
Юрий Зайцев Россий Президент пелен йочан праваже шотышто уполномоченнный Мария Львова- Белова дене пашаче вашлиймашы эртарен. Нуно икшыван еш- влаклан полшымо, социал тулык кодмашлан профилактике системым саемдыме темым каҥашеныт. Йоча омбудсмен палемден: кодшо ийын декабрьыште Марий Элыште социал тулык кодмашлан профилактике системым тергыше Россий кӱкшытан инспекций пашам ыштен. Специалист- влак палемденыт: тӧнежлаште стационар койко деч йоча- влак шагалрак улыт. Тидыже еш- влаклан полшымо корныш куснаш сай ончыкылык: пелстационарым да ӧрдыжкӧ лектын ыштыме паша формым почаш, социал садикым, кечывалым лийме рӱдерлам, неле годым ача-ава- влакым икшывышт дене вераҥдаш кризис рӱдерлам почаш лиеш. Икманаш социал тулык кодмылан пайдале профилактике системым ышташ куат улмым ужынам. Юрий Викторович дене икмыняр адресан ситуацийым ончен лектынна, тушто еш- влаклан илыме йӧныштым саемдаш полыш кӱлеш. Регионым вуйлатыше нуным контрольыш налын,- каласен Мария Львова-Белова. Юрий Зайцев палемден: таче кечылан республикыште тӱжемат 591 тулык йоча ила, тушечын тӱжемат 416-шо ашнаш налме ешыште улыт але опекун- влак дене илат. Республикым вуйлатыше йоча омбудсменлан регионлан тӱткышым ойырымыжлан тауштен да пырля вий дене президентын шындыме лектышыш шуына манын ӱшаным каласен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
