Семёновкысо школышто Юрий Павловым шарныктыше мемориал оҥам почмо
Семёновкысо 21-ше номеран школышто СВО-што вуйым пыштыше боецым, школын выпускникше Юрий Павловым шарныктыше мемориал оҥам почмо. Боец 1981-ше ийын 22-шо мартыште Йошкар-Олаште шочын. Школым тунем пытарымеке Федерал пограничный службын Голицынысе военный институтыш тунемаш пурен. Службым пограничный отрядыште да Россий ФСБ-н погран виктемыштыже Ингушетийыште служитлен. 2012-шо ий гыч запашыште лийын. 2022-шо ийын 15-ше октябрьыште майор Юрий Павловым СВО кундемыш колтеныт. Тушто мотострелковый ротым вуйлатен. 2023-шо ийын 24-ше декабрь йӱдым подразделенийже миномёт обстрелыш логалын. Лӱдыкшым ончыде Юрий Николаевич сусыргышо шым боецым шке эвакуироватлен. Шкежат чот сусырген да госпитальыште ӱмыржӧ кӱрылтын. Колымекыже Мужество орден дене палемдалтын.
Фото: Йошкар-Ола туныктыш виктем.
Фото: Йошкар-Ола туныктыш виктем.
