Таче Ленинградым фашист блокаде деч тӱрыс утарымылан 81 ий темын

Таче Ленинградым фашист блокаде деч тӱрыс утарымылан 81 ий темын
                Таче Ленинградым фашист блокаде деч тӱрыс утарымылан 81 ий темын. 872 кече шуйнышо шужымаш, йӱштӧ, бомбёжкылан кӧра еҥ- влак ӱмыр лугыч лийыныт. Блокаде ончыктен: Элым аралышаш верч айдеме ала- могай нелылыкымат сеҥен кертеш. Блокадан Ленинградыште эн нелыже 1941-ше ийлан логалын. Тунам передовойышто боец- влаклан кечылан 500 грамм, шокшо цехлаште тыршыше- влаклан 375 грамм, моло производствышто тыршыше да инженер- влаклан 250 граммым, йоча- влаклан 125 грамм киндым пуэныт. Адакшым киндын пелыже кочкаш йӧрыдымӧ вартыш гыч нӧштылмӧ улмаш. Йошкар-Олаште таче Россий Армийын тӱвыра полатыштыже «Патырлыкын 900 кечыже» фотовыставке почылтын, Кечывалым Воин чап монумент ден Курымашлык тул воктеке пеледыш аршашым пыштыме, Сеҥымаш бульвар ден Чавайн бульварыште «Блокадысе кинде» акций эртен. Кумылан- влаклан 125 грам нелытан символ шотан киндым пуэденыт. Эрла 13 шагатлан Ленин лӱмеш тӱвыра полатыште самырык- влаклан «Непокорённый Ленинград» патриот программе, 15 шагатлан Пролетар уремысе 30-шо пӧртеш вераҥше 29-ше номеран книгагудо- филиалыште «Ленинград блокадын историй шагатше» лиеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски