Йошкар-Олаште СССР-ын спорт мастерже Эрик Якаевын призше верч бокс дене турнир почылтын

Йошкар-Олаште СССР-ын спорт мастерже Эрик Якаевын призше верч бокс дене турнир почылтын
               Йошкар-Олаште СССР-ын спорт мастерже Эрик Якаевын призше верч бокс дене турнир почылтын. Таҥасымаш Медведево посёлкысо «Витязь» физкультура да тазалыкым пеҥгыдемдыме комплексыште эрта. Регион- влак кокласе кӱкшытан кумшо турнир теҥгече почылтын. Тений тудо вич кундем- Чуваший, Марий Эл. Удмуртий, Угарман да Киров областьла гыч 121 участникым чумырен. Кастене турнирым почмо церемоний эртен. Тушто туныктыш министрын алмаштышыже Валентина Гаврилова, Медведвео муниципал районым вуйлатыше Рузяль Усманов, район администрацийын физкультура да спорт пӧлкажым вуйлатыше Алексей Зуев лийыныт. Почмо парадыште Марий Элысе бокс Федерацийын президентше Николай Ямолкин, Чувашийысе бокс федерацйиым вуйлатыше Эдурад Иванов, СССР чемпионатлаште сеҥыше,  Европын чемпионжо Владимир Мельник, Российын куд гана чемпионжо Сергей Подоплелов, тӱнян чемпионжо Александр Фёдоров да молат спортсмен- влакым саламлен ойленыт. Эрик Якаев илышыжым бокслан да йоча- влакым тренироватлымылан пӧлеклыше тренер. Марий республикын лу гана чемпионжо. Тудо 105 кредалмашым эртарен да 95 гана сеҥыше лийын. Икымше кечын кучедалмаш- влак эртеныт, таче полуфинал- влак. Эрла финал кучедалмаш- влак да турнирын чемпионжо лӱм верч  Удмуртийын да Чувашийын кугыеҥ боксёржо- влак коклаште кредалмаш лиеш.
           Фото: Андрей Антонов

Прошлые выпуски