Йошкар-Олаште тӱжемат 100 верлан школым чоҥаш тӱҥалме

Йошкар-Олаште тӱжемат 100 верлан школым чоҥаш тӱҥалме
              Йошкар-Олаште тӱжемат 100 верлан школым чоҥаш тӱҥалме. У тунемме тӧнеж Восточный микрорайонышто нӧлталтеш. Олан тиде ужашыштыже школын ситыдымыже пеш чот шижалтеш. Объектын акше 950 миллион теҥгем эрта. Чоҥымо пашан кузе кайымыже нерген Марий Элым вуйлатыше Юрий Зайцевлан туныктыш да шанче министр Лариса Ревуцкая увертарен. Проект почеш тиде тӱжемат 100 тунемшылан ныл пачашан пӧрт лийшаш. Объектым шушаш 2024-ше ийын 15-ше августлан шуктышаш улыт. Кызыт тушто свайым кыраш тӱҥалыныт. Лариса Ревуцкая тыгак школышто туныктымо системым уэмдыме программым шыҥдарыме нергенат ойлен. Тений тиде пашалан 846 миллион теҥге субсидийым палемдыме. Тушечын 733 миллионжо капитально олмыктымо пашалан, 113 миллионжо, туныктымо да шуарыме системе дене пойдараш. Подряд оргаизаций – влак пашам тӱҥалыныт. Тений 12 муниципал образованийыште 13 школым олмыкташ палемдыме, пашам 18-ше август марте мучашлышаш улыт. Чыла палемдыме пашам Юрий Зайцев сай качестве дене да жапыштыже шукташ кӱлеш манын палемден.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски