Йошкар- Оласе тӱҥ уремыште разметкым ыштат

Йошкар- Оласе тӱҥ уремыште разметкым ыштат
Йошкар- Олан ик эн тӱҥ уремыштыже разметкым ышташ тӱналме. «Сигнал» предприятийым вуйлатыше Андрей Жуковын мутшо почеш, машина дене коштшо- влакын жапыштым аныклаш манын, Ленин проспектыште полоса чотым ешарыме. Кодшо ийын эҥер могырышкыла кайыме годым, Гагарин проспект деке лишемме верыште ныл полосам ыштыме ыле. Кызыт эҥер дечла мӧҥгешла толаш гын, Комсомольский ден Палантай урем коклаште кум полоса лиеш. Карл Маркс урем дене ушнымо верыштат вашталтыш вуча. Туштат ныл полоса лийшаш. Эҥер вес вечынла толмо годымат Советский урем дене ушнымаште ныл полоса палемдыме. Кӱвар гыч олан рӱдыжкыжӧ волымо годым эше ик полоса ешаралтеш. Кокытшо- шолашке савырнаш, кокытшо- тура каяш, иктыже- пурлаш, Вознесенский уремыш, савырнаш. У разметке тыгак Эшкинин, Киров, Волков, Машиностроитель уремлаште лийшаш.

Прошлые выпуски