Юл кундем округышто Россий президентын полномочный представительжын полышкалышыже Владимир Колчин калыклан приемым эртарен

                     Юл кундем округышто Россий президентын полномочный представительжын полышкалышыже Владимир Колчин Угарман олаште калыклан приемым эртарен. Тушто Удмурт республике, Марий Эл да Самара область гыч еҥ- влакын йодышыштым ончен лекме. Марий Элысе Шернур посёлкышто илыше еҥ Россий Президентын приёмныйышкыжо у хоккей коробкым ышташ да Шернур районышто йоча хоккейым вияҥдаш полшаш йодмашым колтен. Республикысе спорт-туризм министерствын увертарымыж почеш, «Спорт илышын нормыжо» федерал проект кышкарыште федерал бюджет гыч республикылан спорт оборудований ден ӱзгарым налаш окса ойыралтеш 2021-ше ийыште субсидий кӱшеш хоккей коробка- влакым налаш да вераҥдаш палемдалтеш. Шернур районышто шуаш ийын «Ий спорт дене Спорт школын» пӧлкажым почаш ыштыме. Республикысе тӱҥ федерал инспекторлан Владимир Колчин тиде йодышым контрольыш налаш да ыштен шуктымеке, увертараш кӱштен. Полпредын аппаратше йодыш- влакым шке тергымашкыже налын.

Прошлые выпуски